Gjykata Speciale e ka marrë sot edhe hapin e fundit para funksionalizimit të plotë.

Në një letër të kryetares së Dhomave të Specializuara, Ekatarina Trendafilova, të cilën KTV-ja e ka parë, ajo kërkon mendimet e grupit të avokatëve që janë pjesë e Grupit Punues për Mbrojtjen e Viktimave, para formimit të trupës së përhershme që do të quhet Trupi i Pavarur Përfaqësues.

Konsultimet Trendafilova i ka kërkuar për Kodin e Etikës Profesionale për Mbrojtësit dhe Prokurorët para Dhomave të Specializuara.

Trendafilova u ka dhënë afat palëve për të dhënë mendimet e tyre deri më 12 nëntor.

Pjesë e këtij grupi punues do të jetë edhe avokati kosovar, Artan Çerkini, i cili ka thënë për KTV-në, se do të punojë bashkë me të tjerët për të themeluar trupën e përhershme të avokatëve.

Pas themelimit edhe të kësaj trupe, Specialja do të jetë gati të nisë punën e plotë./KTV/